قس مصري: السيسي منزل من السماء ومن يقاومه مصيره جهنم

في تصريحات مثيرة للجدل قال القس المصري “مكاري يونان” إن رئيس النظام المصري “عبد الفتاح السيسي” منزل من السماء، وإن من يتظاهر ضده يقاوم السلطان، ومقاومو السلطان يحصل على الدينونة، أي مصيرهم إلى جهنم.

جاء ذلك في معرض رد “مكاري” على من انتقد مشاركته في وقفة استقبال “السيسي” خلال عودته من الولايات المتحدة الأمريكية، خلال المحاضرة الأسبوعية للقس “يونان” من أمام هيكل الكنيسة المرقصية، .

وقال “مكاري” في مقطع الفيديو الذي تداولته حسابات وقنوات مسيحية: “أنا في الماضي تحدثت عن الرئيس عبد الفتاح السيسي، كلام دارج عندما ذكرت إنه مرسل من عند الله”.

وأضاف: “لكن ممكن ربنا يعطينا كلام بحسب الكتاب المقدس”.

وقال موجها كلامه للمسيحيين: “اسمع المكتوب.. في رسالة روميا إصحاح 13، لتخضع كل نفس للسلاطين الفائقة، يعني إيه؟ يعني لتخضع للرئاسة بأدب واحترام، لأنه ليس سلطان إلا من الله، أنا قلت قبل ذلك، واليوم بأكده من المكتوب.. والسلاطين الكائنة هي مرتبة من الله”.

وأضاف: “يعني مين اللي جايب السيسي؟ اللي جايب السيسي مش الانتخابات بتاعتك واللا من معه ومن عليه، لا .. هذه يد عليا.. اللي جابه ربنا”.

واستدرك: “خذ بالك.. الخطورة هنا، من يقاوم السلطان يقاوم ترتيب الله، يعني لما اطلع مظاهرة يبقى أنا أقاوم من؟ وضد من؟.. والأخطر من ذلك هنا، والمقاومون يأخذون لأنفسهم دينونة، يعني المقاومون آخرتهم إيه؟ جهنم”.

ووجه كلامه للشباب: “اعلم يا مواطن يا مسيحي انتو مش بتاع مظاهرة.. مش بتاع انقلاب.. مش بتاع زفّة تقول ارحل ارحل.. مش بتاع يسقط النظام.. احنا مش بتوع كده.. عشان نضمن حياتنا الأبديّة”.

وأثارت كلمات “يونان” استنكارا وانتقادا وسخرية واسعة بين المغردين على “تويتر”.

الاسم الرباعى:
مكارى برهامى حسان يونان #السيسي_بربع_جنية #السيسي_بربع_جنيه

الاب مكاري يونان يثبت من الكتاب المقدس، ان السيسي منزل من السماء، وان ال… https://t.co/3pG9pwHKCV via @YouTube

— Mostafa Sabek (@SabekMostafa) October 5, 2019

 

 

الاب يونان مكارى هبد هبده جامده جدا تخيلوا بيقول ان#السيسي ربنا بعته للمصريين ولا يجوز التظاهر والنزول ضده لان اللى يتظاهر وينزل ضد السيسي يبئا بيتظاهر وبينزل ضد ربنا لا وايه وهيروح جهنم فى الاخر بجد نضفوا الكنيسه من امثال هذا الكداب #السيسي_بربع_جنيه

— أحمد العربي (@AElaraby78) October 5, 2019

 

حسب رؤية مكاري يونان.
اللي يتظاهر ضد السيسي هيروح جهنم على اعتبار أنه "سلطان مرسل من الله"…
اما اللي يتظاهر ضد مرسي فهيروح السما من غير حساب على اعتبار أنه رحمة الله عليه كان " مبيض محارة"#دجال

— Hany Sobhy (@HanySob87535431) October 5, 2019

القس #مكاري_يونان مجرد عمامة مزيفة من #عمائم_السوء، المتحالفة مع أنظمة القهر والتبعية. ألا لعنة الله على كل #عمائم_السوء، إسلامية كانت أو مسيحية، سنية كانت أو شيعية https://t.co/U911SydKPs

— محمد المختار الشنقيطي (@mshinqiti) October 5, 2019

هو مش ده دين ف سياسة بردك ولا مكرونة بالبشاميل ؟

— إعمل عبيط (@mohamed_sayed43) October 5, 2019

 

القمص مكاري يونان بيقول اللي بيحارب السيسي بيحارب الله لانه مبعوث من الله و اللي بيخرجوا في مظاهرات هيدخلوا جهنم

طيب واللي يمضي علي #سد_النهضه و يفرط في حق مصر المائي يروح فين

— عســـل اســــــــــــــــود (@officialmasry1) October 5, 2019